يابنت روحـي ماعليكـي .. غبينـه روحي سلامه .. ودعي كيف ماكـان
انـا حياتـي .. اكبـر مـن المدينـه فيها صراع ومجـد وامـال واحـزان
فيها شجـون وشـد .. فيهـا سكينـه فيها عجاج وبرق ورعـود وامـزان
فيها شمـوخ الـذات .. فيهـا لعينـه فيها فرح وسـرور وانغـام والحـان
فيهـا زهـور الـبـر والياسميـنـه فيها شروق الشمس .. صحراء وبستان
بـاب انفتـح مـن صوبكـم قافلينـه ماعاد له داعـي ومـن دون عنـوان
اللـي مضـى بالمرسمـه كاتبيـنـه امسحه وامسح كل غطـات الازمـان
مانتي حيـات الـذات مانتـي سفينـه عبـارةً راحـت كـذا دون ربــان
فيهـا بشـر كانـوا بهـاك السفينـه راحوا ضحايا .. ضايع فلان وفـلان
شـئً غريـب وشـئ مستغربيـنـه صارت ألم تهرج بها كـل الاوطـان
نـاسً قذفهـا المـوج نـاسً حزينـه لليوم باقي غافـل الوضـع ياانسـان
يـوم تحـب انسـان يـومً تهيـنـه يوم تعيـش افـراح وايـام طفشـان
يـومً تدّيـن مــال يــومً تديـنـه عايش معاك العـز وتقـول حرمـان
غيـر حيـاتـك للحـيـاه المتيـنـه كافي تقلـب مثـل شاشـات الالـوان
فكر بشخـصً شايـل الدهـر عينـه وآخر بعيـد العقـل والعقـل ميـزان
فكر بمـن فالسجـن واللـي سجينـه بين الحيـا والمـوت فالقيـد منهـان
اذكـر مريضـاً فاقـد اللـي ثمينـه صحته .. ماهي كامله بيـن الابـدان
ولا يتـيـمً ماتـصـفـق يـديـنـه قفوا هلـه مايبصـره كـود جيـران
هـذي حياتـه بالـزوابـع سميـنـه ثوبه عتيـق وحالـة الطفـل فقـران
واللـي بقبـره طـيـب الله جبيـنـه صلوا عليه العصـر ربعـه وعربـان
لا صاحـبً عنـده ولا لـه قريـنـه مثله مثل من مـات ماغيـر الاكفـان
يجعـل كتابـه حاملـه فـي يميـنـه في جنة الفردوس ماهـوب خسـران
هـذا وغيـره طـالـب الله يعيـنـه يكون قسمـه تالـي العمـر ربحـان
هـذا الكـلام اللـي لكـم مثبتيـنـه هـذا كـلامً صـدق مافيـه كتـمـان
مانتـي وطـن بارواحنـا حافظينـه الكل لاجلـه يقـذف العمـر كسبـان
الله حمـانـا بالـحـرم والمـديـنـه بالليـث عبـدالله وبالليـث سلـطـان
الـروح لاجلـه والولـد مرخصينـه الرابـح اللـي قـدم العمـر لاهـان
مانـي مثـال الخـلـق لاتجهليـنـه حالي يعـرف الجـد فالجـد بركـان
هيـه العمـر ماهـو لعينـك رهينـه ماني حبيس البيت لاجلـك بالاركـان
تلقيـن غيـري مطلبـك تعشقيـنـه ماحـدً ينـام الليـل يابنـت جوعـان
كونـي لقولـي ياغرامـي فطيـنـه وان كان رحتي ياخذ الوضع نسيـان
منقولة وان شاء الله تعجبكم
موضوع: قصيدة .. الاسطورة 
السبت أكتوبر 13, 2007 12:19 am
اخجلتم تواضعي 
