قصيدة لكل متينة

اتيتكم بقصيده رائعه للشاعر الكويتي المبدع حمد السعيد .....

فلا داعي للخجل بعد اليوم ...

> لــلـــــزين قالوا من قديم علامات ............. عين ومبسم والجسم والرشاقه

> .

> لكـــن كسر هالقاعده هالمتينات ............... من واقع ماهو كلام وبلاغه

> .

> واللــــــــي محليهم ولا هن ثقيلات ............... دايم خفاف الدم وفيهن لباقه

> .

> الله يـــــــــا هن يا جماعه لطيفات ............. علي الكلام الحلو فيهم طلاقه

> .

> ماهو ضروري بالرشاقه رشيقات .............. وزود الوزن ماهو يعني اعاقه

> .

> صحيح بعض اللبس يعني اهانات ................... الوزن يالضّيق ماله علاقه

> .

> بس مو ضروري يلبسن استرتشات .............. يا زينهن واللبس واسع نطاقه

> .

> لا بـــارك الله فيك يا الضيق بالذات .................ترا السعه بالذات تعطي اناقه

> .

> قــالــــــوا الرجيم اليوم هم البنيات ........... قلت الرجيم ادري يبغيله فراغه

> .

> قالوا الرياضه قلت ماهن مريضات ................. للسكري لا مامعاهن بطاقه

> .

> قــــــابلهن الله بلا رجيم ورياضات ............ بهديهن مني من الورد بطاقه

> .

> هـــــــن دفء المجتمع هالرقيقات ................ هن ملح هن سكر لذيذ مذاقه

> .

> هـــــلا سالتوني عن الحب بسكات ............ بقول هن فيهن من الحب طاقه

> .

> ماهو كلام اللي كتبته ولا اشاعات .................... انا ربطتني بمتينه عــلاقـــه

مع خالص الاحترام

هتانة