شرايكم في شباب وشابات هالأيام؟

السلام عليكم ورحمة الله وبركاته

الكل يشوف التغيرات اللي حدثت على مر الزمن في ديرتنا

والمشكلة الكبرى هي تأثر اجيالنا بهذه التغيرات

لاحظوا اللبس ولاحظوا طريقة الكلام

الله يرحم ايام ثوب الشلحات والبخنق Crying or Very sad

بذمتكم مو احلى من هالأيام

خلنا نتطور بس ما ننسى عادتنا وايامنا الحلوة اللي اظن ان احنا اخر جيل نعرفها

الا اذا علمنا عيالنا عليها وفي رأيي هذا المطلوب

شرايكم

أي والله صاج أخوي

اللي ماله أول ماله تالي

هذي عاداتنه وتقاليدنه

أشلون أتبرا منها

اشكر مرورج اختاه

وصدقتي اللي ماله اول ماله تالي

احنا شباب الحين يعني تبغينا نعطيك راينا في روحنا اكيد قبل ايامهم حلوة وبسيطه بس الوقت تغير يعني مستحيل تشوف احد بثوب شلحات او بخنق هالايام بس اعتقد ان اخلاق الشباب قبل كانت احسن من الحين

يسلمو ع هالموضوع الحلو اخوي عابر سبيل لاتحرمنا من جديدك

الله يجزيج خير اختي ام الدواهي على مرورج

اكيد اخلاق شبابنا اول احسن من الحين

بس ليش ما نحاول نرجع هذي الأخلاق الحين

ترى نقدر بتربية الأجيال الجديدة عليها ان شاء الله بترجع

وبالعزيمة مافي شي صعب اختي

المشكله يا خوي عابر سبيل ان شباب الحين اخلاقهم مو نفس اخلاق عيال قبل واهما امهات واباء المستقبل يعني اذا تربيتهم اساسا مو صحيحه شلون بيربون جيل كامل باخلاق سليمه

يسلمو اخوي

كلامج صحيح اختي ام الدواهي وما عليه خلاف

بس غياب العادات القديمة او انعدامها بالأحرى هو سبب تغير اخلاق شباب الحين

وهنا يأتي دور الأعلام وهو استحداث برامج تجدد هوية الشعب البحريني

مثل حزاوي الدار والبيت العود لاحظي اختي الكريمة شكثر كانوا يتابعونهم

حتى اليهال تأثروا بهم وكان شي طيب انك تشوف اليهال يلعبون الألعاب القديمة

في زمن التطور وشوي شوي انقطعت هالمسلسلات وتغيرت الى اشياء تافه مالها اي معنى

بارك الله فيج اختي واشكرج على ردودج الطيبة

مسامحة رديت مـتأخر

بس الجيل الياي بكون أكثر من اللي تشوفه الحين

واساليب الناس قاعدة تتغير من جيل لجيل

احنا نتمنى يصير اللي في بالك لكن هذي اللي صاير

ومشكور على موضوعك عابر سبيل

يعطيك العافيه

اشكر مروركم الطيب اخواني alloya و الرياضي

ما تدرون اشكثر اتمنى ان يتحقق هالشي

احين وين .....؟؟؟؟؟؟؟

ولول وين .....؟؟؟؟؟

احين ايام الأسبايكي وغيرة.....

مشكور اخوي بوراشد على مرورك

الا قصات العنز وانت الصاج اخوي

انا اقول التطور لابد منه ولو لا التطور ماوصلنا حق التقدم والراحة اللي احنا فيها وفي النهاية يبقى التقدم والتكنلوجيا شي ظاهري والمهم في ذي كله الباطن وقلب الانسان واذا نظف القلب وصفت النية احلوت الدنيا.. مشكلة الشباب هالايام انهم مايهتمون بشي لانه كلشي عندهم سهل ,,والمشكلة الاكبر انهم فقدوا الغيرة على نفسهم وعرضهم وبلدهم ماصاروا يخافون على بنات ديرتهم اللي المفروض يعتبرونهم خواتهم((وهاي اللي كان صاير ايام قبل)),, عالعموم الله يهدي شبابنا تره شبابنا فيهم الخير بس محتاجين توجيه مو كل ام وابو يعرفون يربون عيالهم التربية الصالحة وهاي من واقع جفته,,,وسلامتكم

كلام سليم 100%

بارك الله فيج اختي رفاعية

الله يسلمك ويبارك فيك ويحفظك حق هلك اخوي عابر I love you

موشرط انصير نفس اهل زمان كل الي يبيلنه ان اواحد يحترم نفسه ويتحشم

مو ان نصير مثل اول.. ان نلبس لبسهم ونعيش في نفس بيوتهم وناكل اكلهم...

لا المقصود نتحله باخلاقهم.. وانا وحده ماعتقد ذي الشي صعب...

دامه كان موجود.. ممكن ان يصير الحين..

وعشان يصير مو محتاج حرب او ثورة.. الي محتاجه ان كل شخص يصلح من نفسه.. وبالتالي تنصلح الاسرة.. ومن بعدهم المجتمع..ومانحمل التطور الذنب.. لانه بيتواصل.. لكن احنه مانعرف متى الله ياخذ امانته.. فالمفروض ننذكر بين الناس بالخير والاخلاق الحميدة..

والاخلاق العالية موجودة من ايام الرسول (صلى الله عليه وسلم).. قبل ايام اجدادنه وابهاتنه..

واذا بنتقدي باحد.. من باب اوله نقتدي بالرسول والصحابة.. في اخلاقهم

وتسلم اخوي عابر سبيل ع موضوعك الرائع..

جزاكم الله خير اخوي المبدع و اختي شيخة البنات على مروركم الطيب

وكلامج اختي شيخة البنات هو عين الصواب

مو صعب انك تصلح من نفسك

وشغله ثانية هي اهم شي انك ماتتأثر بالغرب والتطور الغربي

انا من رايي يعني هو شئ جميل ان نتقلد بالايام الماضيه بس جيلنا تغير يعني الحين كله ستايل وهالسوالف واخر موضه وزمان اول خلاص راح عاد طبعا مو للكل في ناس للحين يعني يتسمون بهالعادات بس كل شئ تحول في هالزمن

ويعطيك العافيه على الموضوع الرائع

اولا اشكر مرورج اختي lovely heart

ثانيا الموضة والستايل من وين ياتنا اختي

طبعا من تأثرنا بالغرب

انا مو ضد التطور بس انا ضد التقليد الأعمى

القصد اختي الكريمة ان مع تطورنا اهم شي ما ننسى عاداتنا وقيمنا Neutral

صح كلامك يزاك الله خير

اي والله انتي صاجه اختي
لو انا بتكلم عن نفسي انا للحين ع الغترة والعقل وماقدر البس شي غير انا تعودت الحين صارلي 15 سنه وانا هلون وماحب اروح مكان الا الغترة والعقل لو فكرت اني البس بنطلون احس روحي اني ماعندي سالفه والين كل وحد فيهم شعره ع فوق لو تساله يقولك الموضه اي موضه وهلون شعرك جان وحد عطاك واير كهرباء شوط يدك لو بتنكلم عن الموضه اوكي انا مع الموضه بس في شي عدل مو في ويهك او جسمك

تسلم على مرورك رحال

وعلى طاري الشعر

فحدث ولا حرج

الله يعطيك العافية

ههههههههههههههه تسلم اخوي ع طرح الموضوع وماقصرت والله

» شباب عصر الشات الى اين؟
» شباب اليوم ...
» عطوني حل يا شباب ويا شابات
» شرايكم يا الرياييل
» شرايكم في هالموضوع