قصيدة أعجبتني للشاعر المبدع هلال المطيري اتمنى أن تنال على اعجابكم,,,,,,,,,,
يكذبون إن قالوا إني جبت طاري
.............. ويكذبون إن قالوا إن اسمك ذكرته
كنت جالس عندهم والقلب ساري
.............. بينهم لو جـف دمعـي ماعذرتـه
بس هم شافوا لك بعيني مواري
.............. جيت ابخفي طاري الحزن ونثرته
كل دمع صادق صدق اعتذاري
.............. ماانتظرني من غلاك ولا انتظرته
اسأليهم وش كثر كان انكساري
.............. واعذريني خاطرك يمكن كسرته
كني ادري عن سوالفهم و أداري
.............. لايجي طاريك وابطي ماسترته
يكذبون ان قالوا إني كنت داري
.............. كنت ساهي ومدحك شخص وشكرته