موظفين الخدمات ماذا عليهم ....

السلام عليكم ورحمة الله وبركاته

هذا موضوع أبصراحة تناقشت فيه مع أحد الشباب وماوصلنا لحل فيه

موضوعي هو الخدمات إلي ممكن نقدمها للغير والذمه في أداء الخدمه .

مثال ::

تروح لأحد الدوائر الحكومية لتخليص معامله ، وتوقف في الطابور الطويل ، وأخيرا وصلت

للموظف ، تعطيه الأوراق ويقولك أستريح

تقوله ليش يا أخي ... يقولك ألحين وقت الراحه ، ترضى آقعد جذي وما آكل ويخلص وقت الراحه .

السؤال ...

هل من حق الموظف أن يحصل على وقت راحه نظراا للمجهود الذي سيعطيه بدون توقف وبالنظر للعدد

الهائل من المراجعين .

على من يقع اللوم ، على الموظف نفسه أو على الإدارة التي ينتمي لها .

هل المراجع ظالم للموظف بطلبه الخدمه في الوقت المحدد .

أنتو لكم الرأي والمشوره ..

انا برايي الواحد لازم يخلص في عمله ...

لكن لو كنا مكان هالموظف المسكين اللي صار له اكثر من ساعه واهو يمشي معاملات الناس من حقه يرتاح..

يمكن يكون في حلول حق هالمشاكل..

بتوزيع اوقات الدوام الرسمي على الموظفين بحيث ان كل موظف ياخذ وقته في العمل وبعده ياخذ الموظف الاخر العمل وهكذا ... هني يمكن نكون ضربنا عصفورين بحجر

راحة الموظف وتسيير اعمال المراجعين

وجهة نظر

وللحكومة وجهة نظر اخرى

شكرا اخوي على الموضوع

وبالتوفيق لكل موظفي الدوائر الحكومية والقطاع الخاص

والله يعينا لين صرنا الى ما انتو عليه

الموظف من حقه يرتاح في وقت راحته

بس اذا كان الموظف طول وقته يلعب ومايمشي معاملات الناس وبعد يبي ياخذ بريك هذي عاد يشتغل بدون ضمير ......

من وجهة نظري..

مثل ما الموظف طول اليوم يخلص معاملات... ترى حتى المراجع صار له وقت طويل وهو واقف ع ريوله في الطابور..

والوصف الوظيفي حق موظف الخدمات.. انه يخلص معاملات المراجعين كلهم حتى نهاية الدوام.. (ع ماعتقد)

عشان جذي.. لازم يصير تعاون بين الموظفين..

يعني اذا 2 يشتغلون في المكان الواحد.. يروح واحد ياخذ وقت راحة ويرجع عشان الثاني ياخذ وقت راحته..

وبجذي ماتتعطل معاملات الناس.. والموظف ارتـــــــــاح

V.I.P عدد الرسائل : 73 تاريخ التسجيل : 23/08/2007

المشكلة إن الإستراحة عند موظف الحكومة حق وواجب والغرض الأساسي منها أهو السوالف والهذرة والعقرة، ويقول هذا حقي.
أما في القطاع الخاص فإن استراحة الموظف هو الوقت ما بعد إتمام مهام عمله، وفيه أيضا توزيع الموظفين على الوقت الأصلي للدوام.
ويمكن السبب واضح!!!!
إن الحكومة ما تعطي راتب على الوقت الاضافي والقطاع الخاص أبو الأوفر تايم.

حبيبي حر البحرين
انه عن نفسي لو رحت مكان وقفت وصار لي الموقف نفسه
ماراح اسوي بلبلة صح اني بزعل لكن من حق الموظف في
اي مكان و اي وقت يجوفه مناسب انه ياخذ وقت الراحة مع
مراعات ذوي الاحتياجات الخاصة والمسنين وماله داعي التفكير
في من ينلام لان المراجع بعد يمكن راسم في باله وقت عشان
يراجع الدائرة اللي يبيها لكن هالوقت مايتناسب ويا ظروف الدائرة
نفسها
ومشكور عالموضوع الحلو

انا بقول عن نفسي بصراحه يمشون ربعهم ولكن انت يا ولد الفقير مايفكرون فيك لو عن الراحه ماعندهم سالفه كل وحد يابي يكلم اهله في تلفون او يتكلم مع ربعه عن فلان والمبارات والخربطه اللي تستوي في الشوراع هذي انا سمعت والله محد قالي كل شي جافته كل شي جدام عيوني