السلام عليكم ورحمة الله وبركاته
هذي كلمات من أخوكم الحُر على أمل إنها تعجبكم
وآقول فيها ::
يا حاسبه بعد جرحي أنصاع ... هذا هو حلمك وهذا بعيدك
مليت أطلب إن قلبي أتراع ... مليت أنطر بالعواطف بريدك
الدنيا أحكمت الصاع بالصاع ... تدور هالدنيا ويتكسر حديدك
ذقت أبكلامك جرعات أوجاع ... ودوري الوجع أسقيه أبوريدك
ودوري أغير بالحقايق والأوضاع ... وعلمك كيف بالتكبر يصيدك
دوم يقولوا الأنسان طماع ... وطمعك فيني يخسرك مايفيدك
مثلك عرفنا وقت الشرى بياع ... وأحنا رجال محنا سلعه بأيدك
وسلامتكم ...
موضوع: يا حاسبه ... 
الإثنين سبتمبر 10, 2007 2:20 am
