غلطه البنت بعشر - للنقـــــــاش

السلام عليكم ورحمة الله وبركاته

موضوعنا اليوم عام حبيت اشاركم ونعرف رأي كل عضو ان شاء الله اكتب رايي شخصي بعد ماعرف رايكم باول

كلمه يرددها الاهالي دايما .. وتقريبا في كل بيت .. وهي "" غلطه البنت بعشر ""

لو غلطت البنيه .. ولو غلط الولد نفس الغلطه ردوا وقالوا .. "" الولد ما يعيبه شي "" .. ويكون عقاب البنت قاسي والولد ما يجيه من اللوم مقدار ..

فهل هالتربيه الي يعتمدها الاباء صحيحه ؟؟ .. هل فعلا جميع اخطاء الولد .. مباحه؟؟ .. وانه "" ريال ما يعيبه شي "" البنت هي لي تحمل اسم العيله وغلطتها بعشر ..

وهل الابن لي حللت له الافعال لانه ريال وما يعيبه شي .. ما يحمل اسم العيله نفس ما تحملها اخته ؟؟

بانتظار ردوودكم وتعليقاتكم على الموضوع ..[/c]

انا من وجهة نظري الاثنين متساوين مثل ما البنت تحمل شرف العيله الولد بعد يحمل شرف العيله وانا اضم صوتي لصوت اخوي احنا ماخذين هالمقولة من العرف والتقاليد لكن اعطيك مثال اخوي حتى لو كان الشاب بعيد الشر (خمار,, زمار) لا تقول اهو يشيل عيبه هذي النوع من الرجال يكونون مرفوضين من المجتمع وهالشي ينعكس سلبا على العيله وعلى الاهل يقولون فلان ولد فلان كذا وكذا قيس على نفس الشي حالة البنت اذا كانت بهالشكل او منحرفه هالشي بعد ينعكس على اهلها

فالخلاصه ان غلطة الاثنين متساويه وغلطة الاثنين عن عشر والغلط غلط سواء طلع من بنت او ولد والشرف يخص الاثنين لان الاثنين يحملون اسم العائله نفسها

نسأل الله الهدايه والتوفيق لبنات وشباب المسلمين اللهم آمين