أسئلة للبنات .. أدخلى وجاوبى بصراحة

السلام عليكم

عندى مجموعة أسئلة للفتيات .. وأريد إجابات صريحة من كل الفتيات

أجيبى بـ نعم أو لا .. ولكى أن تشرحى لنا وجهة نظرك

هل ترفضين طلب رجل الزواج بكِ لهذه الأسباب :

1 - هل ترفضينة لأنه لا يصلى ؟

2 - هل ترفضينة لأنه يدخن ؟

3 - هل ترفضينة لأنه يعاكس الفتيات ؟

4 - هل ترفضينة لأنه بخيل ؟

5 - هل ترفضينة لأنه مهزوز الشخصية ؟

6 - هل ترفضينة لأنه لايعمل ؟

7 - هل ترفضينة لأنه سيسكن مع أهله ؟

8 - هل ترفضينة لأنه فقير ؟

9 - هل ترفضينة لأنه مريض ؟

10 - هل ترفضينة لأنه عصبى المزاج ؟

11- هل ترفضينة لأنه يتلفظ بألفاظ سيئة ؟

12- هل ترفضينة لأنه لايهتم بمظهرة ونظافتة ؟

13 - هل ترفضينة لأنه سمين أو نحيف (المظهر) ؟

14 - هل ترفضينه لأنه يعانى من إعاقة ؟ (( شلل أطفال مثلاً أو لا يسمع أو لا يتكلم ))

15- هل ترفضينه لإختلاف اللون ؟

16 - هل ترفضينه لنسبه ؟

17 - هل ترفضينه لو إشترط عليك عدم إكمال الدراسة أو العمل ؟

18 - هل ترفضينه لأن والدته متسلطة ؟

19 - هل ترفضينه لأنك ترينه أخ لك ؟ (( إبن العم - إبن الخال مثلاً ))

20 - هل ترفضينه لأنه غيور ؟

وكل بنت تدخل الموضوع تجاوب

يلا بنات أشوف إجابتكم ,,,

1 - هل ترفضينة لأنه لا يصلى ؟
أكــيد بعد هذي قصوري أخذ كافر
2 - هل ترفضينة لأنه يدخن ؟
أي وشحادني أخذ واحد أيأذيني بعدين بمراضه من التدخين
3 - هل ترفضينة لأنه يعاكس الفتيات ؟
أصلا ولا بافكر فيه مو بس أرفضه
4 - هل ترفضينة لأنه بخيل ؟
شي طبيعي وليش علشان يرفعلي الضغط
5 - هل ترفضينة لأنه مهزوز الشخصية ؟
بعد ريال ماعنده شخصيه أشحالته ذي
6 - هل ترفضينة لأنه لايعمل ؟
أكيد وأنا باخذ واحد أصرف عليه بعد عيل ماسوينه شي
7 - هل ترفضينة لأنه سيسكن مع أهله ؟
لا هذي عادي أنا أحب الناس
8 - هل ترفضينة لأنه فقير ؟
الفقير الله يغنيه موشرط عادي
9 - هل ترفضينة لأنه مريض ؟
عاد على حسب نوع المرض زكام وكحه
10 - هل ترفضينة لأنه عصبى المزاج ؟
بوو أنا عصبيه وأهوه عصبي بيصير أنفجارات لا كلش لا
11- هل ترفضينة لأنه يتلفظ بألفاظ سيئة ؟
بعد قليل أدب وشحادني عاد
12- هل ترفضينة لأنه لايهتم بمظهرة ونظافتة ؟
وخييييييييييييييي وييييييييييييييع عاد كلشي ولاذي أهم شي
13 - هل ترفضينة لأنه سمين أو نحيف (المظهر) ؟
أي بعد اللك الخارجي واايد مهم
14 - هل ترفضينه لأنه يعانى من إعاقة ؟ (( شلل أطفال مثلاً أو لا يسمع أو لا يتكلم ))
أي
15- هل ترفضينه لإختلاف اللون ؟
لا لا عادي بس مو واااايد أبيض أبرص يعني
16 - هل ترفضينه لنسبه ؟
لالا موشرط يمكن يطلع خوش ريال
17 - هل ترفضينه لو إشترط عليك عدم إكمال الدراسة أو العمل ؟
أي أكييد
18 - هل ترفضينه لأن والدته متسلطة ؟
لا عادي أنا ماحط راسي براس أحد
19 - هل ترفضينه لأنك ترينه أخ لك ؟ (( إبن العم - إبن الخال مثلاً ))
لالا الغريب غريب عاد ولد خالتي أو ولد عمتي

وفي النهايه أنا أبي واحد مثل أبوي

الله يخلي لك ولديك ان شاء الله ويطول بعمرهم والله

1 - هل ترفضينة لأنه لا يصلى ؟
نعم ، لان الصلاة اهي عماد الدين واهي اساس العقيده .. والمؤمن الصالح اذا احب زوجته فبيحفظها واذا ابغضها ما يهينها ..في امور وايد ممكن اتقاضى عنها الا امور الدين

2 - هل ترفضينة لأنه يدخن ؟
اممممممممممم والله انا مو من اللي يحبون التدخين والمدخنين بكل انواعهم بس اذا كان خوش ريال وما يعيبه شي في دينه فماعتقد في مانع وبندخله دورة "الاقلاع عن التدخين " شنسوي

3 - هل ترفضينة لأنه يعاكس الفتيات ؟
اي نعم، لان اخوي المرأة تحب ان يكون الزوج يعيرها لاهتمام اهي فقط اذا كانت تغير عليه من امه فشلون وحده غريبه في السكه .. الله المستعان
وبعدين اعتبر هذي النوع عباره عن مرض والعياذ بالله

4 - هل ترفضينة لأنه بخيل ؟
نعم، لان البخل نوع من انواع الامراض والعياذ بالله واللي صعب على الانسان ان يتخلى عنها

5 - هل ترفضينة لأنه مهزوز الشخصية ؟
وعليه .. اهو بيني وبينك الرجل لازم تكون له شخصيت والقويه والمؤثرة والكلمة المسموعه في البيت بحكم قدرته على اتخاذ القارارات الازمه وفي وقتها مو بالعنف ولكن بالتفاهم فصعبه ان ما تكون عنده شخصيه قويه او " دلوع الماما"

6 - هل ترفضينة لأنه لايعمل ؟
اي نعم ، ياخوي اذا اكانت احين شروط الرجا اللي يبون يرتبطون في زوجاتهم -العمل- فشلون اهو ما يعمل لا صعبه الحياة صعبه وبعدين اهو مسؤل على اعالة البيت ومو انا قال رسول الله ص "كلكم راع وكلكم مسؤل عن رعيته" ويهمني الرجل الطوح واللي يفكر في مستقبله ومسقبل بيته وعياله يعني مثلا اذا كانت الوظيف بروحها ما تسوي شي وكلكم عارف عن قضية " الغلاء" فيفكر في حلول شلون يخلي عيلته مرتاحه ومو محتاجه حق الغير لكن مثلا في حال صاده ظرف طارئ ويبي يغير الشغل او صادته ظروف في الشغل فانا باكون اول من يساعده في هالموضوع على شرط ما يكون اتكالي يعني يقول -اكي تشتغل ليش انا اشتغل مثلا-او ما يهمه المضوع في الاساس

7 - هل ترفضينة لأنه سيسكن مع أهله ؟
لا والف لا، انا بالنسبه لي هالموضوع عادي بالعكس على الاقل في بداية الحياة الزوجيه تكون الاعباء وايد يعني انا افكر لي الامد البعيد يعني ويهمني بعد اهو يفكر ان في يوم من الايام بتكون له اسره ويحتاجون بيت وبتكون لهم المتطلبات فافضل ان نسكن مع الاهل مبدأيا حتى انيمع مبلغ من المال ونقدر على اساسه نبني او نشتري بيت احسن من ما نضيع هالفلوس على اجار الشقق

8 - هل ترفضينة لأنه فقير ؟
اهو ما يعيبه جيبه اللي تعيبه اخلاقه بس بعد لو بنيي للموضوع بعقلانيه فكانت من اسباب الطلاق عدم التوافق المادي يعني انا صحيح مو انسانه متطلبة لكن اذا اهو مثلا مو قادر يوفر الاشياء الاساسيه على الاقل في البيت فهالموضوع صعب يعني بنحاول نستغني عن الكماليات مبدايا لكن مثل ما قلت انا يهمني ان هالشخص يفكر في المستقبل مو يقول "اهي خذتني فقير وتدري لني فقيروخلاص" لا يحاول يطور من روحه ومن شغله ويجوف له طرق يكون من خلالها يقدر يزيد الدخل

9 - هل ترفضينة لأنه مريض ؟
لا المرض مو عيب لكن بعد نجوف نوع المرض اذا كن اعاقه جسديه مثلا فهذي صعبه شيله وحطه لكن اذا ما يعيبه هالشخص شي في دينه فلا مانع

10 - هل ترفضينة لأنه عصبى المزاج ؟
متعودين على العصبيه .. بس عاد يبعد عصبيته عني لاني عصبيه على خفيف بعد واحب التفاهم وارفض فرض الراي

11- هل ترفضينة لأنه يتلفظ بألفاظ سيئة ؟
اي عيب والله لا لا عيب باجر يجابل الريايل والاهل ويخربط عليهم لا لا ما ترضون يفشلنا بعدين

12- هل ترفضينة لأنه لايهتم بمظهرة ونظافتة ؟
لا مو شرط نحاول نغير من الشكل بعدين اهم شي عاد يتقبل مو يقول انا هالون او يمشي يمي مهدل لا لا مو حلوة

13 - هل ترفضينة لأنه سمين أو نحيف (المظهر) ؟
لا عادي كللللش اهم شي ما يكون في شي "مرضي"

14 - هل ترفضينه لأنه يعانى من إعاقة ؟ (( شلل أطفال مثلاً أو لا يسمع أو لا يتكلم ))
الاجابة على هالسؤال في جواب سؤال رقم9

15- هل ترفضينه لإختلاف اللون ؟
لا عادي

16 - هل ترفضينه لنسبه ؟
لا عادي اهم شي يشرف عاد

17 - هل ترفضينه لو إشترط عليك عدم إكمال الدراسة أو العمل ؟
والله اهو بيفكني من الشغل لكن لا انا ما ايد لان الدراسه والعلم مهمين واصلا انا باساعده لو اشتغلت فالتفاهم مهم هني

18 - هل ترفضينه لأن والدته متسلطة ؟
اهم شي ما تمون سكانه امه ,, واجان اهي جذي نبتعد عنها احسن

19 - هل ترفضينه لأنك ترينه أخ لك ؟ (( إبن العم - إبن الخال مثلاً ))
اي نعم لان مثل ما قلت اجوفه اخ فصعبه تتغير النظرة

20 - هل ترفضينه لأنه غيور ؟
لا الغيره حلوه بس اهم شي تكون عقلانيه مو مرضيه

اتمنى اني كفيت ووفيت في ااجابه واعتذر على الاطاله وخصوصا في بعض الاسئله لان يبي لها شرح وايد

والله يوفق بنات وشباب المسلمين ويرزقنا واياهم بالازواج الصالحة .. اللهم آمين

بصراحه صج صج كلامج حلو والله يوفقج مع وحد انتي تابينه هههههههههه

» تلفونات للبنات
» اسرار خاصة للبنات
» خواتم خطيرة للبنات
» ثيمات للبنات فقط انشاءالله تعجبعكم