^^ أنواع المــلاقـــه ^^

طبعا من نهايه التسعينات بدت تظر في البحرين ظاهره غريبه ((الملاقه)) حيث قام الناس يلعبون بالالفاظ و يقولون اشياء مالها معنى ولكن تضحك .. هذي الاشياء انسميها اللحين الملاقه .. و طبعا اختلف العلماء بالدوانيه على اللفظ الصحيح لهذه الكلمه .. فمايدرون شنو ايسمونها .. ملاقه ام ملاغه .. ذلك بحكم انه المجتمع البحريني يقلب الحرفين هذيل


انواع الملاقه كالآتي ::

اولا= الملاقه المعنيه او الموضوعيه ::

تقوم هذه الملاقه اساسا على العبث بمعاني الكلمات .. او بموضوع الحديث .. حيث يقوم المملق بهذا النوع بالتعليق على الكلمه المراد التمليق عليها بكلمه لها صله و تتعلق بالكلمه المملق عليها .. طبعا يمتاز المليق بهذا النوع بالاسلوب الثقيل .. فيتبع كل تمليقه بضحكه سخيفه.. ادري محد فهم عشان جذي بوضح لكم بالامثله الآتيه ::

- هندي : ' لا ما يسير بابا .. انا ما يبي يوستوغول .. كلاس '
-المعزب : ' كلاس وله دولكه '
-------------------------------------------------
حمود : ' هلا عزوز شلونك انشاء الله زين
خلود : ' زين ولا وطنية '
-------------------------------------------------
-الام : 'اووووووو تره ذبحتيني .. بس عاااد '
-الخدامه : ' عاد ولا ثمود '
------------------------------------------------
حمود : تصدق امس دش علينا واحد غريب
عبود : ' دش ولا ستلايت '
-----------------------------------------------
بو جسوم : ' اقول العب عدل لا اقط الي بيدي
بو نوره : ' قط ولا جلب '
----------------------------------------------
وائل : انت شسمك
فيصل : انا فيصل
وائل : ' فيصل ولا سابليه
----------------------------------------------
حامد : انت تشتغل ببنك الأهلي '
صالح : 'لا ببنك الزمالك '




ثانيا=الملاقه الحرفيه::

تهدف هذه الملاقه الا العبث بالحروف .. حيث لا يكون للتمليقه اي معنى ولكن تشترك بالكلمه المراد التعليق عليها ببعض الحروف .. و يميز المليق في هذا النوع كونه سريع البديهه .. و ملقوف .. هم ما فهمتو ما ايصير ..اوضح لكم اياها بالامثله الآتيه ::

-صاحب الدوانيه : ' هلا حجي شلونك مشاري '
-مشاري : ' مشاري ولا بايع ' يعني مشاري اهو شال حرف الميم صارت شاري !!
-----------------------------------------------------
-المدرس : كتبو هالمعلومات راح تفيدكم ؟
- الطالب : ' معلوماااات و لا توفى '
-----------------------------------------------------
جبور : ' اووو كا مصفط اصفط بسرعة '
سلوم : ' لا وايد ضيج '
جبور : ' ضيج ولا ديايه '
---------------------------------------------------
عليوي : ' شنو مواصفات فارست احلامك '
عبيد : ' ابيها شقرا و انت '
عليوي : ' ابيها شكتب '
----------------------------------------------------
الشعب : ' عاش عاش رئسينا
الرئيس : عاش ولا باجيلا
-------------------------------------------------------
بو ياسر : انا بروح بوبيان
جمول : انا بروح بومشرف




ثالثا=الملاقه اللغويه::

يتشابه هذا النوع بالنوع السابق(الملاقه الحرفيه) ولكن يختلف في كونه يعبث باللغات .. فيربط بين اكثر من لغه في آن واحد .. و يميز المليق في هذا النوع كونه مثقف و يعرف لغات عديده .. و سريع البديهه ايضا .. اوضح ذلك بالامثله الاتيه ::

-بوسميره : ' افا عليك بس.. اتمووون يالحبيب '
-بو سرونا : ' موون ولا سان ' moon × sun
------------------------------------------------------------
-مرزوقه : 'وينك ما اتبين يالاشقر ؟؟ بطل الليت '
-فرج : ' ليت ولا هيفي ' light × heavy





الملاقة الثانوية :-

وهذا النوع لمن عنده خبره طويلة في الملاقة و تكون برد مليق ولكن بجملة طويلة وطريقة استفزازيه و يستخدمها الناس لقتل الجو عندما يكون فيه بعض الحزن و المليق هني يتميز بأنه حده مليق وعنده شهادات و خبرات سابقة بالملاقه و لكم بعض الأمثلة :-

بو سامي : ' شنو لون سيارتك '
ساميو : ' كحلي '
بو سامي : ' ما تبي اعطسلك بعد '
----------------------------------------
مصطفى : ' ابي حلاو '
بو مصطفى : ' اليوم تقول الي حلاو باجر تقول ابي زجاير بعد '
----------------------------------------
بو انور : ' يلا دش عاد عن المصاخه '
يعقوب : ' اووو دش حط حط الجزيرة خنطالع
-----------------------------------------
واحد مضيع : ' اطلع على خط المحرق
سلمان : ' لا اطلع على خط جرينيش '
واحد مضيع ' لا صج وين اطلع '
سلمان : ' اطلع على القناة الثالثة '
----------------------------------------
المدرس : شنو هذا انت طالب مدرسه
الطالب : لا انا طالب شاورما ما تبي اطلبلك
---------------------------------------------
عويس : ' اوف واخيرا راح رمضان و يا العيد '
بو عويس : اوو خله خله يدش هذي الساعه المباركة تو ما نور البيت حياااك حياااك عيد
----------------------------------------------
بو خلود : ' شوف يا ولدي يا حمود شد حيلك و انجح '
خلود : ' اي حمود شده بس شويش وي عشان ما ينقطع '
حمود : ' الحل بالترشيد '

هههههههههههههههههههههههههههههههه